انا نوح وسط جشع البشر
الشاعر ابرام كمال يكتب
انا نوح وسط جشع البشر
مش لاقي ابدا اللي يصون
حبيت يجي الف وحده
و ف النهايه الاقيها بتخون
حتي فلكي خلاص انكسر
مبقاش ينفع عليا يهون
لاقيت فرعون دايس عليا
و موسي مبقاش موجود
و اقرب حد كان ليا
قطع صاق كل الوعود
اروح لمين والوجع فيا
وعلاج الوجع محدود
انا مش قلبي ابيض
و لا عمري اكون داود
ده ياما ناس بالشكل جميله
لكن جوها شوك مش ورود
اروح لمين بس قولي
و اقرب ماليا بقي ما بينا سدود
جميل انك تعافر و تشيل
لكن مين فيه كتف يتحمل
في الشارع تراب ابيض
و كل البشر بالكذب تتجمل
جهله لكن بيفهموا ف كفت
و يعيبوا ف البشر بكل تأمل
السن عشرين و الشعر ابيض
خلاص عجزت مش قادر اكمل
مفحوم في بلد الكلام
مشوي و عجاز عن الحديث
ماشي بقول للكل تمام
و انا جوايا هم ابليس
متخاصم مع نفسي عشان نفسي
اموت من غير ما اكون حبيس
مخنوق وبلاهي نفسي بالكلام
و ببص للكل علي انه قديس
اتاري البشر حيات ف بنادمين
و مهما تعمل المصلحة بتجمع
و بقيت بسأل انا رايح علي فين
و انا عيوني قدام الناس بتدمع
نوح رغم انه اتعري مره و استر
اما انا بتعري كل يوم و عرايا بيلمع
كلمات الشاعر ابرام كمال.
