علمني اشلون انسه العشره.. وفهمني اشلون آنه انساك… ودليني الياصوب اتعنه .. لو ما رايدني اتعناك … وگلي اشلون اتسلهم عيني.. واشلون اگضيها ابفرگاك… رد يالرايد تبعد عني .. لا تبعد عني اترجاك… گلب الحبك ياهو ايكضه.. لو واحد يذكر طرواك… غيرك شلي ابهاي الدنيه.. وشلك غيري انته ابدنياك… كنت انته التغفه اعله ايميني.. يالرايد تهجرني اشجاك … من دوني اشلون اتعيش انته.. ولا عيشن انه ابلياك… ترضه اتجازي ارباي ابهجرك.. لا لاتجرح گلبي الرباك… گالو محبوبك حب ثاني.. ما عفتك ضليت اهواك … وگالو محبوبك ما رايد .. لاحبك لا عيشه اوياك … ما صدگت الواشي اوعينك.. هذا انه اوضليت اهواك …
