أصل الحكـــــــــــاية
أصل الحكـــــــــــاية..
للشاعرة ـ رجاء الكاشف
الحكايةمش حكاية شعب انتفض وثار
ولا تدوينة فى ورقة بتعبر
عن انفجار
ولا نزولك كل جمعة للشوارع
وتكتب إرحل ليل نهار
الحكاية…….. ان جيشك
لو ماكانش معاك ساعتها
كان زمان الدم سال
كان زمان امك واختك
مخطوفين زى السبايا
كان زمان ابنك رهينة
وامه بتقول هات ضنايا
وانت تايه مش عارف
ابنك سليم ولا مدفون
فوقه طينة
لولا جيشك اللي صاحى
لكل كبيرة وصغيرة
واللى مراقب مين
قبض تمن خيانته
ومين رجليه متسمرة
كانت البلد دى راحت
ورجعت تانى مستعمرة
لولا جيشك اللى اقسم
عالحماية لك ولولادك بدمه
وماخافش من فتفتت قلب
ابوه واخواته وامه
وماخافش على اللي من صلبه
واللي ماحسيتوش بيتمه
الخلاصة …….ان ثورتكم نجاحها
فى شركاء كتير معاكم
جيش وشرطة ورب العزة اللى
عوضكو ورضاكم
الخلاصة…..الثورات مش كل يوم
التاريخ عشان يترخ
مش لازم تفضل تصرخ
التاريخ عشان يترخ
ثور على نفسك وغير
كل مافيك من عيوب
عشان مفيش دولة بتتغير
وانت شهاداتك رسوب
كل ثورة وانت طيب
مفيش ثورات تانى جاية
الثورة انك تحافظ عاللى
وصلناله من نهوض
ومش هانسمح ان جيشنا
يتحمل اخطاء شعوب
يعني من الاخر ياتبنواا
ياإما هترجعوا تشكوا اله
ف حق النشوق وتسفو
رمل وتاكلو طوب
