مراته قتلته طيب ليه نعم فعلا مراته قتلته
مراته قتلته طيب ليه نعم فعلا مراته قتلته
فرأيت كلامه الجميل عنها شاهدت لشكل إيدها في الصوره اللي منزلها قولت إزاي في حاجه غلط صح
لحد ما صادفت لقاء اليوم السابع مع أهله وقولت حسبي الله ونعم الوكيل فيكم دمرتوا بيت أبنكم. ضيعتوا زوجته اللي لسه ٢٥ سنه يتمتوا ولادهم. إرتاحوا بقي
أم. أب. أخته. عمه. خالته. بنت خاله أمه. مرات عمه كله كله
كلامهم كله يجتمع علي جمل حسد وغل وحقد متناهي استر يارب
مرات عمه بتقول دي كان معيشها عيشه سوبر استار. احنا فلاحين مكنتش تدبح فرخه بتقول بخاف كان يجبهالها متكيسه. جاييلها عبايه العيد من ع النت ب ١٥٠٠ ج
كلهم بيتكلموا حتي في الصن بلوك ابو ٣٠٠ ج اللي كانت جيباه والستاير الكهربا اللي عملهالها في شقتها والتكيف
مبيتكلموش في أي عيب في أخلاقها كانوا ملاحظينه أتسألوا كانت بتعاني من أي حاجه نفسيه ردوا قالوا لأ لااااااااااا لآلا
أمه نفسها صلبه جدا منزلتش دمعه وهي بتتكلم كأن إبنها مش مقتول قدامها. بتقول الشغل اللي هي بتعمله دا فيما معناه ميدخلش علينا
قالها عملت إيه قالتله قاعده تحت رجله وهو غرقان في دمه تقطع في شعرها وتمسك فيه وإحنا محدش جه جنبها
دا وصف حاله إنهيار وعدم تصديق دا شيطان اتملك في عيشتهم. دي عيونكم وغل قلوبكم اللي متسلط ع كل لقمه بتنزل جوفهم. قريب وبعيد حاقد وعارف تفاصيل كريماتها ولبسها وغيره… حتي إعترافه بحبها ادام الكل وع الملأ كدا أكيد كان بيضايقكم
كلكم محدش فيكم كان منهار في اللقاء محدش بيدمع حتي. كلكم كل اللي شاغلكم اللي كانوا بيجيبوه وبيعملوه
أهو بيت إبنكم بقي خراب وعياله إتيتموا وواحده لسه بتفتح عينها ع الدنيا مستقبلها ضاع
وحسبي الله ونعم الوكيل
