يارب ارحمنا…25

يارب ارحمنا…25

يارب ارحمنا واهدينا ونور بالايمان قلوبنا

احنا خلاص من الدنيا شبعنا والظلم فينا بالجمله وماحدش من البشر بينفعنا

لا اخ ولا زوجه ولا صاحب وقت الشده يخدمنا أو شخص يحس بينا ويريح أعصابنا

وأصبحت الفلوس والمصاري شاغله تفكيرنا والدنيا زحمه ومافيش أخلاق واتنازلنا عن شرفنا

اللي ياكل أخوه عشان يعلى واللي بيحسدنا ع مالنا واللي مصاحبنا عشان مناصبنا

ولما نخدمه مش عارفنا ولا حتى وقت الموت بيفتكرنا بدعوه حلوه تهون علينا جراحنا

والحياه أصبحت ممله دا غير الغدر والخيانه اللي بتجري ف عروقنا

حتى الطيبه مالهاش مكان يجمعنا والكل أصبح ديب مسعور عايز ياكلنا

لا بيتمنى لينا السعاده وعايز عن أعز الناس يبعدنا ويحتل مكانا

ولا عمره كان يحبنا مع الرغم عمرنا ما بيه غدرنا ولا خونا

وأصبحنا وحووش حتى داخل بيوتنا ومافيش عقل ولا حكمه تهون علينا جراحنا

لو حاولنا نمشي بالمعروف تلاقي البعض عايز يذلنا ويكسرنا

ويقطع عيشنا أو يكون دافع لإنفصالنا وتشويه سمعتنا

بعد ما كتير تعبنا عشان نحقق ولو جزء من أحلامنا ونرضي أنفسنا وغيرنا

لكن هي كده الدنيا ناس تكره وناس مش سايبانا ف حالنا وعايزه تستولي ع أملاكنا و اماكنا

وماحدش راضي بكلمه طيبه يسعدنا أو يخدمنا وأصبحنا وحووش وصراع دايما بيواجهنا

يارب انت الوحيد اللي تقدر تهدينا وتسعدنا وتعوضنا باللي ينفعنا وترزقنا بالصالحين وتغير من أحوالنا

شاعر العصر صاحب كلمه لها مضمون ومعنى يفيدنا وينفعنا بقصيده جميله تنال اعجابنا

وتحسن دايما من أخلاقنا وتذكرنا باللي خلقنا وداوي همومنا وأوجعنا….

مع فارس الكلمه/ … الشاعر طاهر مختار عتيت

شاعر العصر/…. الاحساس و بس/ ….تحيا مصر

طنطا…….كفر الزيات…….اكوه الحصه