خواطر وأشعار
” بودى جارد “
” بودى جارد ”
الشاعر/خالد فضل
يابودى جارد
يابو طول وعرض
مسيرك يوم
تقع وتقوم
وتيجى الأرض
دوام الحال من المحال
وانت رايحلو فرد
وتتعايق مهما تتعايق
وتتمايل مهما تتمايل
بكره تشوف الفرق
يابو العضلات
يابو القوه
ياعامل رامبو وفتوه
دى دقة قلب وتفارق
وضربة مطوه وتفارق
وتصعد روحك الغاليه
وتتحاسب وتتعاقب
على جسمك على اسمك
لمين بايع جسد ضايع
يافاكر عزوتك قوه
ومال كاسبانو بالقوه
دا. ربك صاحب القوه
ولا بإيده ولا بإيدك
ولا بسطوة كمان سيدك
هتكسب فى الحياه جوله
دا ربك قسم الأرزاق
ماهوه الواحد الوهاب
بيدى المال عبيد المال
ويدى الستر لإبن حلال
ويدى القوه يختبرك
هتنصر بيها كلمة حق
او تنصر بيها أى ضلال
يامتحامى فى جسمك فووق
ياريتك لحظه بوص لفوق
تشوف ربك كبير إزاى
وإن الخلق ليها حقوق
ومرجوعك أكيد للارض
يابودى جارد
يابو طول وعرض
مسيرك يوم
تقع وتقوم
وتيجى الأرض
الشاعر خالد فضل
