ضمة شهيد……
-ضمة شهيد……
——كلمات الشاعر احمد جابر سويلم
الام ضمت ابنها وبشده
اول ماتوصل وحدتك طمنى
اوعاك تغيب فى الرد تزعلنى
على كل من وياك سلملى
واحذر جبان خيانته تالمنى
فتح عنيك وفى خدمتك صاحى
قال الولد ضمينى وفى حضنك
بضمتك ياامى بقى زيدى
وان نلت الشهاده بالدمع ماتزيدى
صحبى اللى نال الشهاده قبلى
زرع الايمات والعزيمة فى وريدى
امانه ياامى سلامى لاخواتى
الوقت حان الصفر وفراقى
حمل الولد شنطته على ظهره
ودع اهل البلد ودع كمان اهله
والدمعة من العين طلت
وكان القدر واقف بيندهله
طلت عنيه عالبلد شاف بعيد صاحبه
شاور بايده سلام شاور كمان صاحبه
وصل الولد فى امان والكل عليه سلم
عين الجبان واقفة من بعيد بترصدهم
وفى ظهرهم ضربو الرصاص صابهم
نالو الشهاده ولاهلهم راح الخبر يوصلهم
شالوا الشهداء فردوهم
جوا العلم لفوهم
-وبدمعة فرح زفوهم
والرمله حنت لهم
-وفى حضنها ضموهم
-وكاس الصبر على كل اب قسموه
-وصرخة شباب حقكم مراح نسبوه
-ينجيب حقكم يجمبك الجسد يسبوه
٠ تعليق
