خواطر وأشعار
قلمي ……
قلمي ……
بيعبر عن اللي جوا مني
قلمي
ولا يوم باعني
ولا حتي خاني
لانه جوا مني
عالم بيا
وبكل اللي حواليا
امسكه يكتب
بخط من نور
ولا يوم غضب
ولا يوم طفي النور
قلمي
عارف كل حاجه
ولا اخر عني حاجه
ومش عاوز مني حاجه
ومراعيني
اكلمه يقول علي عيني
انت عشرة ايامي وسنيني
انت شايلني ومراعيني
وياسلام لما احطه علي السطر
يجري عليها زي القطر
بخطه اللي ريحته عطر
ماهو بيكتب بس الحق
ومعوده علي الحق
ولا يوم علي الباطل اتزق
قلمي
عايش بضميري
وميعرفش غيري
مهما اغراه غيري
ومسامح
وبيفكر في اللي جاي
وينسي اللي رايح
ماهو طيب
وبقلب طيب
ومن الكل قريب
طول عمرك طيب
والحلو فيك عمرك ماتضر
بخطك الجميل الحر
وبتقدم النصايح
لكل اللي جاي واللي رايح
وشغال في هدوء
ياخفه يازوق
ياقلمي
وتسلم تسلم ياقلمي
بقلمي
محمد سليمان
