حال الدنيا….. 

حال الدنيا…..

الكاتبه : هاجر محمد

أنا هحاول إني أكلمكم باللغه العاميه عشان الكلمه توصل زى ما بنقولها فى حياتنا اليوميه … ودا اهتمام زياده مني عشان الكلام يوصل ، هو كلام بسيط لكن أنا شيفاه مهم ودى على الأقل وجهة نظري … إعتبروني بادردش معاكم بشكل عفوى من غير تعقيد ولا تبسيط ، يدوب الكلام زى ما يطلع معايا .. ما أنا قولتلكم إنها مجرد دردشه معاكم والنيه صافيه والروح نقيه والحمد لله ، انا معرفش بكتب ده ليه بس الدنيا معدش فيها حاجه باقيه عشان نحقد ونكره ونشيل في نفوسنا محدش عارف بكرا مخبي ايه او بعد خمس دقايق هيحصل اي حبوا بعض يا جماعه وحبوا الدنيا وعيشوها صح مش معني ان احنا نعيش حياتنا ان احنا نغلط بالعكس نحاول منبصش للغلط اصلا الموت بقي اقرب من نفسك ليك ومعتش بيفرق بين كبير وصغير وتعبان او سليم ياريت نحب الخير لبعض ونصفي قلوبنا من ناحية بعض محدش قالك تبقي الشمعه اللي تحرق نفسها عشان الناس بس خليك الشمعه اللي تنور للناس وتنور لنفسك خليك نضيف من جواك هيجي وقت ومش هيفضل منك غير سيره ياريت تبقي حلوه ونكون عملنا اقصي ما في جهدنا عشان نبقي قدها ربنا يهدينا جميعا” ، وينور بصيرتنا ونقدر نقدر الأمور صح عشان بعد الغلط الندم بيعيشك فى مرار وبيبقى فات الوقت ومفيش رجوع الدنيا أبسط من تخيلنا وتصورنا للأمور بلاش نعقدها ورب العباد مخليها سهله .. إحنا بس نستوعب ونحب بعض ونحب الخير لبعض عشان تحلو الحياه اكتر واكتر 💙

بقلمي : هاجر محمد