كان فى يوم……
كان فى يوم……
كلمات الشاعره /فاتن الانصارى
قالى بحبك فى يوم وكتبلى بيت
ليه كتبته دا حبك بألف بيت وبيت
كان حبيبى وكان حياتى وكان نفسى اعيش له حيات
باعنى بعته بعد حبه بعد مسمى بنتى بأسمى بعد مسميت ابنى بأسمه
بعد ما مركز المراغه كله فضل يحكى بسيرته
قال حببها
قال عشقها
سمى فاتن بنته على اسمها
وفضلت اخته تقول يا بختك
بيسمى البنت يا ختى على اسمك
مين عملها
ومين هيعملها
فضلوا يغلوا ويغلوا يحسدوا فيا
ويهروا
قالوا سحرت له هنروح لشيخ ونفك له سحره
قالوا كدا وراحوا يسحره عنده
فى الارض يرشوا
وفى الترب باليل يمشوا
بدل ميدفنوا ميت يدفنوا سحرين
دا طلع مش شيخ خلاص دا ساحر
وهما غلبوا الشياطين
قلبوا حياتنا بحسدهم بسحرهم
عموا قلبه عنى بغلهم
فضل مسكين جنبهم
لا طال حبى
ولا خد البيت
ايه الفايده تهدينى بيت
من غيرك عايشه فيه
وزعلت عليا بعد فراقى
وزعلت عليك
فى ايه
فضلت تحاربنى وتقولى هاتى البيت
دا كان بتاعى دا من دراعى
زعلت على فلوسك وانت هدمت حياتى
دا قلبى اللى كسرته عمرك ما زعلت عليه
جاى وعاوز منى ايه
احسب لى كام سنه عشتهم جوه حضنى انا
احسب ليا الايام الحلوه اللى ادتهالك
احسب ليا الايام اللى استحملت فيها عذابك ليا علشانك
احسبلى عمرى اللى ضاع من وقت مكنت طفله معاك
لغاية مقربت اهو تنتهى ايامى قبل ايامك
ياه كل دى سنين عشتها معاك وجى بتعد هقبض كام طوبه من حيطانك
دا سجنك اللى هدتهولى دا اللى زعلان عليه
جاى بعد فرقنا تقولى بحبك
جاى تبكى تقول ابويا غصبنى وطلقتك
هو اللى بعدنى عنك
لولاه ما كنت سيبتك
و تقولى نرجع
هل دا ينفع
بعد طلاقى
مره
اتنين
تلاته
تقولى رجوع
كلامك مش مسموع
انت جبت سيف
وقسمتنا نصين
وتسألنى حبيتى غيرى
فى حد هيديكى زى بيتى
كله يا بنتى كلام وبيلعب بيكى
لو على الهديه احب اقولك فيه كتير
فى لو وافقت بالزواج بعدك حجات كتير
رصيد فى بنك
وفيه شقق
وفى بدل البيت بيوت
وحجات كتير
ولو فى شرط قولته لحد بيقول امين
بس الحب لواحد بس متسألنيش مين
