خواطر وأشعار
أمل ف الل جاي !!
أمل ف الل جاي !!
الاديب والشاعر/عزيز الشهاوي
والسنين زي الجنين.. تِحْبِي وبتجري …
يتسرسبوا الاتنين .. واحنا يدوب كوبري
يعدٌي عليه الزمان .. نبقا كان ياما كان
واللي حَبا زمان .. صبح اليوم يجري
ياعُمر واحده واحده .. واخدنا مره واحده
تعبت م المُناهده .. كل القلوب شاهده
موت الأمل فِينا .. ولسه كمان تِغري
قلوب زي النهار .. لسه يدوب خَضار ..
نور ف كل دار .. تفتِّش ع المسار
يمكن ف يوم تلاقي .. الراحه من بدري
وبحلِّفِك ياسنين .. وبحلفِّك ييام !!
سيبك م الأنين .. اسقي الل جاي بغرام
لسه الأمل ف اتنين ..فرح مع الاحلام
يبقوا طاقة نور .. جُوّه النفوس تسري
