خواطر وأشعار
عيدي أنا
” عيدي أنا ”
الشاعر : خالد فضل
من كام وتلاتين سنه
قاعد بقول و بنادى
تعيشى ياشرطة بلادى
ياعاليه يا مادنه
ياكايده الأعادى
صباح المحبه
صباح الأمانى
صباح لونو أبيض
مزهزه ونادى
يابلدى ياغاليه
وأغلى الغوالى
في عيدى بقولك
بحبك يابلدى
وأموت لجل حُبك
واهزم أعادى
ولو مُت راضى
وموتى دا عادى
تعيشي يابلدى
واعيش أبنى فيكى
عشانك وليكى
مداين مداين
وسورها مطرح
جناين جناين
وكل إللى باين
علمك يابلدى
وراسمو بدمى
وسلاحى ف جنبى
وناسي الليله همى
وحُبك يابلدى
أنا شايلو في قلبى
وبَحِبك يابلدى
وب حُبك يابلدى
هورث ولادى
واخلص ماعندى
واغيظ الأعادى
وروحى ترفرف
وعليكى تنادى
ياريت تسمعينى
بردد نشيدك
بلادى بلادى
بلادى بلادى
