مرفهاتى الأديبة الشاعرة : نهى حمزه مرفهاتي مشخللاتي وعندي شوال

مرفهاتى الأديبة الشاعرة : نهى حمزه

مرفهاتي مشخللاتي وعندي شوال

أقول يا أرض إترجي ما عليكى أدي أنا فلوسي بحجم جبال أفرط شوالي وأبعزق مالي وأطرطش يمين وشمال لا يهمني أصلي ولا فصلي ولا كوني

ما أنا صاحب المال

أركب في عقلي زماره ووأنادى وأزيط وأعملكم فيها شيخ حاره وأحمل الأختام أرش من مالي على اللي ما يبالي

ويكون من الخدام أمسك لسانه وأشد لجامه وكل الحكايه هيقول بكام شوالي مليان ودماغي خرفان

هغرفله غارفه وأنا كلي أرفه ياخدها بلهفه ويقول يا سلام

على الكل مقدور وجي الدور

على المثقف الواعي من الخدام

صرخ المثقف وقاله عندك

أنا مش هسيبك تبني مجدك

من عقول بتاخد الناس ادام

خلي شوالك معبي

اللي عندي جوه عقلي مينشراش بالمال

ميتصنعش من هزه لأنه لا ترفيه ولا لذه

لكنه شئ متعرفوش بيكَون الانسان

ومهما تقول يا أرض إتشدي ما عليكي أدي

ربنا جابني أهزك وأصدك

وأخليك عبره وبيان

أنا إسمي صبحي وكل صبحي

غيور على الكلمه للانسان

بقلمي نهى حمزه