قصيدة المكالمه…
قصيدة المكالمه
/ أيمن البكري
ألوه ألوه …. إذيك عامل إيه.
الحمد لله تمام.
يارب دايما” تبقي ف سلام.
سكتي ليه مشغول بالك.
ولا ما يكونش خلص الكلام.
بقالك فتره متغيره معرفش مالك.
حاسس إنك مش تمام
أنا إل إتغيرت بردوا
داه إنت حتي مسألتنيش عامله إيه
ديمن عايز تكون بعيد
زمان أنا كنت شاكه
بس أنا دلوقت حاسه إنوا شئ أكيد
إن إنته مش عايزني ومش سعيد
مش لاقيه منك أي إهتمام
كل داه عشان إنتي إل سألتي عني.
مش شايفه ومش حاسه يعني
أنا عشانك إنتي بعمل إيه
ليه مبتشوفيش غير أسوء ما فيا
وكل شئ حلو بتنكريه
وإيه الجديد…ما ديمن أنا إل بسأل عليك
ضحيت عشانك بحاجات كتير
مش عايزه أقول إنوا مطمرش فيك
بس باين إنك نسيت
إني من بصه ف عنيك
بعرف كل إل بتداريه
عايزه بس تكوني كل إهتمامي
وإسمك أذكروا ف كل كلامي
وأجيلك لحد عندك وإنتي ف مكانك
ونسيتي إن إنشغالي عنك عشانك
ديمن حاطه قلبي ف قفص الاءتهام
بتهمة إنوا باعك وإنو خانك
إنته إل شايف نفسك ملاك برئ
إل بيضحي عشان غيروا بكل شئ
وأنا إل مش شايفه تعبك عشاني
وكل إل بتعملوا مش مقدراه
ياسيدي علي رأسي كل داه
بس مره واحده حط نفسك مكاني
وأنا مشتقالك وإنته سايبني ف حرماني
خايفه قلبي يميل لحد تاني
مهما أقولك مش هتفهم إل أنا حساه
بقا إنتي شايله ف قلبك كل داه
إذاي قدرتي تفكري لحظه تسبيني
أسف حبيبتي غصب عني إعذريني
داه إنتي عارفه إنك هوايا
وف جرحي إنتي طبيبي ودوايا
البعد عنك موت ووجودك معايا هو الحياه
خلاص ولا يهمك ياعمري
علشان بحبك بعتب عليك
مهما يحصل ما أقدرش أكمل
حياتي إلا بيك
أوعدك ديمن هكون ف ضهرك
ولو تطلب عنيا ليك
مع ألف سلامه
يا أجمل ضحكه وإبتسامه
هقابلك بكره ف نفس المكان
وحشاني جدا” وحاسس إني
ماشفتكيش من زمان
عيني حاضر ياعمري
هصحي بكره من الفجر بدري
مع أول ديك بيدن
يارب الوقت يجري
لحد ما يجئ المعاد
من قلبي ليك مليون سلام
سلام
سلام
