الله أكبر
كلمات أيمن البكرى
تسلم الإيد إل حاربت
وإل رفعت السلاح
تسلم الإيد إلى هدت
العدو بنجاح
وتسلم إيد الدكاتره
إل داوت المصابين
من الجراح
وتسلم الشباب إل هتفت
فى الشوارع
حقنا عمروا فى يوم ماراح
كلنا فى ٦ إكتوبر
كنا واحد وقلب واحد
وقضينا على عدو
معتدى وقلبه جاحد
مليون سلام لكل شهيد
إنت معانا ومش بعيد
ودلوقتى فى الجنه أكيد
مبسوط قوى وسعيد
الله أكبر هزت أرض سينا
كانت أكبر سلاح
بيدعمنا وبيقوينا
قالوا خلاص وقعنا
وقفنا تانى وإتجمعنا
ورجعت تاني الإرض لينا
الله أكبر كانت رصاصه
فى قلب عدو ظالم
إفتكر إننا إنتهينا
ومفيش راجعه لينا
رجعنا وربنا كان مقوينا
وكل حاجه صعبه
دوسنا عليها
ضربنا أقوى ضربه
العالم كله حلف بيها
