يوم الخميس إللي كان بيبقي فيه المناسبات السعيدة كلها ، الأفراح ، وأعياد الميلاد !!
يوم الخميس إللي كنا بنطلع من المدرسة حصة بدري !!
يوم الخميس إللي الأطفال كانت بترجع فيه من المدرسة تطوح الشنطة وتجري تلعب من غير ما تكتب الواجب علشان بكرة الجمعة أجازة !!
يوم الخميس إللي كنت بتشم ريحته من أول ما بتفتح عينيك من النوم الصبح !!
يوم الخميس إللي كان فيه فيلم السهرة ولب وسوداني !!
َكل خميس اول كل شهر التجمع حول التلفاز لحضور اجمل الحفلات حفلة ام كلثوم
يجتمع فيها الكبير والصغير
كل العيله َالجيران تتجمع لسماع الست… من اجمل اللحظات
ــ إللي محضرش الخميس بتاعنا مش هيعرف ليه بنحبه ومرتبطين بيه هو بالذات !! وحشني أي حاجة بسيطة ومريحة من بتاعة زمان بناسها الطيبة ببساطتهم وقلوبهم البيضة 🤍🤍🤍
مش يوم الخميس بس إللي إتسرق مننا ، دي الأيام كلها
مين إللي سرق طعم الأيام ‼️
يا تري الزمن والا العمر والا الظروف والا المسؤليات والا الغربة والا الحبايب إللي غابوا والا ده طبع الحياة
