قصيدة عتاب بعنوان
————–
بنزع غلاش من شراييني
————–
لـيـش الـجـفاء يـا حـبيبي لـيش
لــيــش انــــت نـــاوي تـبـكـيني
حـبـيـب غــيـرك انـــا مـشـتيش
مـــن دونـــك انــتـه يـواسـيـني
ويــش الـسبب تـهجري مـغليش
مــــاذا جــــرى يــانـظـر عـيـنـي
احـلـف لــك ايـمـان مـا انـسيش
حــتــى ولــــو انــــت نـاسـيـني
يـالـيـت تــذكـر زمـــان الـطـيش
يــــوم كــنـت الــقـاك وتـلـقـيني
بـسـم الـقـمر كـنـت انــا سـميش
نــثــرت لـــك كـــل مـــا فـيـنـي
واعـطيتك الـروح لـش يـفديش
يــــا سـاكـنـه الـقـلـب والـنـيـني
كـنـتي حـمـامه وانــا لـك ريـش
مـــا كــنـت حــاسـب تـجـافيني
ان كـــان غـيـري اتــا واعـمـيش
بــنـزع غـــلاش مــن شـرايـيني
واغـلق كـتاب ما مضى واعيش
واذهـــــب لــغــيـرك يــداويـنـي
مـادام صـار عـكس مـا اتـمنيش
إلـــــى هـــنــأ بـــــس يـكـفـيـني
الله لا ســامــحــش وابـــريــش
يـــامـــن بــحــبــك غــدرتـيـنـي
اسـقـيـتني الــسـم مــن يـديـش
حــسـب الـثـقة كـيـف خـنـتيني
لا عــاد تـجـيني ولا بــا اجـيـش
ايـكـفي مـعـك مـاضـي اسـنيني
ذي اهـدرتها لـجل انـي احـميش
مــــــن بـــعـــد ذا لا تــنــاديـنـي
اقـطـع يــدي مــا ازيــد الـقـيش
صــرتــي مـــن اكــبـر اعـاديـنـي
مـن ذا الـطريق غـادري يكفيش
ثــخـن الــجـروح بــس سـيـبني
سيري ابحثي قلب من يحويش
بالله اخــتـفـي مــــن روابـيـنـي
وفـــاي لـــش نـــار بــا تـكـويش
فــــي كــــل ذكــــرى ذكـرتـيـني
وتـذرفـي الـدمـع فــي خـديـش
دمــــع الــنــدم كــيـف بـعـتـيني
ولــن تـلاقـي طـبـيب يـشـفيش
يـــالـــي بــسـهـمـك رمـيـتـيـنـي
ك/الـــشــاعــر ابـــــــو اســـعـــد
جــلال مـحـمد ثـابـت الـسـعدي
مرتبط
