( قاسيه الدنيا )
بقلمي جمال القاضي
قاسيه يادنيا علينا ساعات
وكل دقيقه وثانية تتقلب فيك صفات
فيك عجايب وفيك غريبه حاجات
ال عايش فيك وطبعه أصيل
وأصل الطيب أصبح فيك قليل
ومنهم مش هتلاقي بالدنيا كتير
لأن الأرض ساكنها كتير خاينين
خاين نفسه وخاين أرضه
وخاين دينه وخاين عرضه
وغيرهم له أشكال وألوان
وال بطبعه الظلم بقاله سنين
وال يحافظ على وطنه وأرضه
وال تلاقي من ضعفه عليه بيقولوا
سيبك منه أو هتشوفه كأنه كمان
فريسه ضعيفه جت وسط ذئاب
ماتقدر تمنع منهم نهش مخالب
لأنه صار وسط وجودهم
شايف نفسه وحاله بضعفه غريب
وعلى راسه كمان ينداس بالطين
وال بصوته العالي الكل يهابه
وبيعمل غيره له وكلامه ألف حساب
ولما الكل يشوفه منه يخافوا
والإجرام ف دمه ودم أولاده
أصل الشلة الصايعة دي تبقى أصحابه
وعنه هنبعد دا كلامهم لما يقولوا
وعلشانه نسيب الدنيا يكمل فيها إجرامه
ومش فاضين لمشاغل غيرنا
وال يادنيا ف بيته تلاقي جيرانه
ال بتشتم دايما فيه ولسانها طويل
وال غيوره وال حقوده وال عيونها
لغيرها بتحسد فيهم رايحه وجايه
أو قت الفرح ال بيجمع فيه أحبابه
ولما بيمشي في مره أمامها بصدفه
مابيسلم منها ولا من رمي لسانها
وال هناك على جنب الدنيا قاعد فيها
كاف من خيره وشره وعايش نفسه
حد ف يوم يجي يقوله عايز حاجه
أو ايه م الدنيا نفسك فيه
وتكون اليوم ضروري محتاجه
أو غيره يقوله أنا شايف فقرك
وحاسس بيك وممكن أقدر أساعدك
أو حتى يخفف عنه حمل همومه
مش هتلاقي فيك يادنيا حد بيسأل
فقير بيموت ويتيم تتقطع فيه كل أعضاؤه
دنيا غريبه وصارت فعلا غابه كبيره
