عاوز ، أقول لك 👉
★★★★★★★
عاوز ، أقول لك ،
انا عمري ما جيت علي حق ضعيف
أصل المسكين في الدعوة مُخيف
لما بيدعي علي أهل الزيف
منصور حقة من غير تعريف
عاوز ، أقول لك ،
انا ما اتكبرتش علي انسان
شايف المغرور في الكبر شيطان
علم المنطق بيقول حيوان
ناطق ضاحك منبوذ, كتيان
عاوز ، أقول لك،
انا شوفت الدنيا بعين كتكوت
أضعف الإيمان . بيعلي ،الصوت
مهما يعافر ، صوصوته سكوت
قلبه الصافي بيخاف م الموت
عاوز ، أقول لك
في القلب لقيت موطن لسواد
بيزود ،،حجمه ،،بكل ،،عناد
دي حكاية و ياما كتير تتعاد
و انا مش جراح ولا من انبيا، كانوا ،عباد
عاوز ، أقول لك
كتفت الحزن في قلبي كتير
مهما بيصرخ ، أو حجمه كبير
ما انا زي البحر ،، أسراره في بير
و سايبهاله ،، ماهو ، ربك عالم بالتدابير
★★★★★★★★★★
أشعار / ياسر عبد الحميد
★★★★★★★★★★
مرتبط
