سنين العمر
بقلم /عمااد الأبنودي
••••••••••
سنين العمر ب أحضنها
و أحلامي دوما شايلها
و سنين جايه و سنين بتمر
وسنين مستني بشايرها
و أخطي الصعاب و أعافر
متأمل أشوف معالمها
و أدوس المحن و أعدي
و ما أبصش يوم لمرارها
متعشم العتمة تعدي
و تلألي كتيرر أنوارها
و أغرف من شهدها ياما
و أدوق عسل خيرها
و الملم سنين الشقا
و أطرحها في مخازنها
وأقولها كفايه كده البكا
عيوني تعبت جفونها
و أزرع فيها بستان عطر
يفوح المسك م ريقها
و أحرق أشواك الأزي
ولا يتصاب القلب منها
و أحلم كمان و كمان
و أرسم بااللون تفاصيلها
شقيان بقا مشتاق للجاي
بينادي الخير يطولها
و يشوف فدادين السعد
طارح ياما في ملامحها
و تنور قناديلها تفاؤل
تمحي الآسي من جبينها
وترحل الأحزان تتحول
و تخضر الأشواق بساتينها
بقلم
عمااااد الأبنودي
28 , 12 , 2022
مرتبط
