عن الدنيا قصيدة بعنوان
( أنا صدقتك )
بقلمي جمال القاضي
أنا صدقتك لما
مره في وشي ضحكتي
وقلت خلاص من تاني
وفرحت أنا أكتر
لما قربت أنا منك
وساعتها
ناديتي عليا وقلتي
قرب مني قرب أكتر واكتر
ومابين أحضاني
يلا تعالى
هتعيش الدنيا بأجمل متعه
ونسيت ف اللحظه ساعتها
ومن كتر المتعه
كل همومي
وكل أحزاني
وحظي الحلو بشوفه
رجع من تاني
صدقتك وكمان
صدقت لون الضحكه
بس خساره الضحكه
دي كانت لحظه
وبعد ثواني غابت من تاني
وبعد الضحكه
من بين أحضانها
راحت رمياني
وال في ايدي كمان
وكان من قبل منها هديه
قالت دي بتاعتي
هاتها تعالى
وبالعافيه خدتها
من بين أحضاني
غداره يادنيا كتير غدارة
بتضحك لينا ف ثانيه
وبنفرح
مع لون ضحكتها
وف غيرها
تقلبي وشها لينا
فيها من تاني
والحزن ال زمان
قلنا عليه دا ناسينا
من تاني أهو بنشوفه
بيرجع لينا
أوعي في يوم
تضحك ليك وتصدق فيه
ألوان ضحكتها
لأن كتير للضحكه
راح صدقها
وكمان جرب مرارة الكذبه
للضحكه الصفره
فاكرانا يادنيا
بعقولنا أطفال وصغار
مره بتضحك لينا
ومرات علينا تكون الضحكه
وتقولي خلاص
يلا تعالوا معايا لفسحه
نمشي معاها ونصدقها
أهو مابيني وبينكم
نقول تغير
ونشوف أخرتها
ومن غير مانحس كنا فريسه
ونمشي وراها
لآخر الرحله
بس تاخدنا لفين
مش عارفين
يمكن لآخر نقطه تكون بخيالها
وبخيلنا مش موجوده
نحلم فيها ونفرح
ومعاها بنرسم
كل أحلامنا ونحقق كل آمالنا
بس دي فين بتكون
لخريطه ومش موجوده
أصلا بالكون
ملامحها هناك
بخيال الدنيا
وشاشة أوهامها ال نشوفها
بعيونا حقيقه ونصدقها
أما حقيقه لو هتشوفها
تشوف الضحكه
وخلف الضحكه دي منها بتلقى
وهم وبس
ويكون مجنون ال في يوم
يصدق لون
من ألوان ضحكتها
هتضرب فيك وساعتها
لما تفوق هتقول
أنا غلطان
لما ف يوم صدقتك
وصدقت معاك حلاوة الضحكه
مرتبط
