ادا يوماتى
الدولار ويوماتى صاعد
بالعَجَل من غير مصاعد
ياإبن إيه طالع صاروخ
أنا الجنيه حسران وقاعد
ليه يا صاحبى عنى باعد
قاعد بتضرب فى النفوخ
وياما كنت زمان باساعد
فى كتير بُنا بعرق سواعد
رايتى عاليه لفوق شموخ
وإنت كنت يادوب مُسَاعِد
درجه خامسه فى المقاعد
لو يوم تشوفنى تقع تدوخ
وإذ فجأة زعبيب وراعد
جواك سواد وليه يا جاحد
في قوايا ليه الهَد بشروخ
وبأفكرك دا أنا قلبي جامد
في الصعاب تلقانى صامد
وإنت حتكون فى المسُوخ
لو مهما تعلا وفوق تواعد
شياطين يصيغولك قواعد
من تاني نازل بالصاروخ
