الحياه كابووس
وقعت فى هذا الزمن ودفعت التمن للوحووش
اللى ماعندهم ضمير ال عارفه واللى ماعرفهووش
شووف ياخال ربطت جحشى فى وسط الجحووش
ضاعت الأمال دورت عليه الصبح مالقتهووش
أتاريهم باعوه للغلابه اللى مايدرووش
أه ياوجع قلبى من ناس بتقلب الوشووش
الضحكه فى أعنيهم بانت عليهم وع الرمووش
من فرحة الهلافيت دار الطبل والزغاريت ومانامووش
أه يافؤادى اللى شال الغلب وبقى محشووش
دى الحياه كلها ألم وغدر وسحر مرشووش
فيهم اللى عاوزين ياخدوا منك ومايعطووش
بقيت أتألم وبتكلم مع اللى عارفه وماعرفهووش
حتى الكلام لونوه بكل الألوان بقى منقووش
العقل منى راح يطير من التفكير وخلوه مدووش
نمت الليالى همه ناموا وأنااللى جااانى منهم كابووووس
الشاعر البدرى ابراهيم عضو نادى أدب جرجا والمنشاه مصر
