لو يوم نسينا
بقلمى محمد عنانى
لو يوم نسينا الأنا
وشويه نِنسَا المال
يمكن نشوف الهنا
ونلاقى راحة البال
كمان دا يوم المنا
لو نرضا بالأحوال
واللى يجيب ربنا
ما دام يكون بحلال
والستر توب عندنا
أكيد دا عال العال
لو حتى كان همنا
تقيل فى تُقل جبال
والدنيا ضاقت بنا
والليل علينا طال
ومهما زاد حملنا
من المر كله شال
لازم يكون صبرنا
سلاح قوى و فعال
ونِحن على بعضنا
لوحتى كان بسؤال
نبقا فى أمان كلنا
ومهما زمانا مال
لو يوم حَنِنسَا الأنا
وشويه نِنسَا المال
