٠٠المربعات فن الواو٠٠
بنت الأصول تتحمل
لو جار عليها الزمن
تشيل مع الراجل وتكمل
ف أصعب ايام المحن
الناس عماله تشكي
من الغلا ومن الأسعار
وفي ناس عماله تحكي
وناس شاربه المرار
مسجون مابين ضلوعي
والدمع عل الخد نازل
محلتيش غير دموعي
على ناس تركو المنازل
انا إللي بعت الحبايب
ولا هما اللي باعوني
انا إللي كنت غايب
وهما اللي نسيوني
الراجل الحر شارب
من كاس الزمن أوجاع
طول عمره عمال يحارب
لكن الزمن خداع
القبر فاتح بابه
اخد الجد والحفيد
مسكين اللي تركوا أحبابه
وأصبح ف الدنيا وحيد
وعجبي
بقلم الشاعر والكاتب ملاك دميان شاعر الصعيد
