قلبى مجروح
عمل مشترك
كلمات….. أيمن البكرى….. شيماء محمد
🤵مين ف عز جرحك
كان بيتألم عشانك
مين حب فرحك
وبكي على أحزانك
مين إنت, حياته
وف كل ذكرياته
ضحي بعمروا ليكي
وعمروا ف يوم ما خانك
وفى الآخر تلومي
عليا أنا وقلبي
وشايفه كل إل حصل
كان بسببي وذنبي
وتحكي وتقولي
موقفش يوم جانبي
👸كنت بلوم عليك من خوفي
كنت عاوزاك تستحمل شكوكي
كنت بعاتبك وأقول وأعيد
خايفة ييجي يوم وتبعدني
إحساس جوايا بيموتني
إنك في يوم ممكن تسيبني
زي مابشوف كتير حواليا
كان بينهم حب وآهات
كان بينهم سنين طويلة
وعشرة وذكريات
وفي الآخر
حد فيهم بعد وساب
وباع كل إل بينهم
وباع كل إل فات
🤵مين فى الدنيا يتحمل
شك ليل ونهار
إزاي أقدر أكمل
مع قلب سابني وأنا بنهار
دوستي عليا مسبتيليش
فرصه إني أختار
بتلومي ليه على العشاق
ياما حنيت وقلبي إشتاق
مالقتش منك غير أعذار
👸كان نفسي تحس بيا
عمرك ماهنت عليا
صحيح كلامي صعب وجارح
صحيح عتابي زي البحر المالح
لكن قلبي كان شاريك
كان متمسك بيك
عمره مافكر يبيع ويشتري فيك
مفيش حيلتي غير كلمتين
بقول فين الحبايب فين
مقدرش أتحمل بعد تاني
وأنا قلبي مجروح
بينزف من سنين
