شكرا لكل الناس اللي مسخرين موبايلاتهم لخدمة بلدهم، يمجدوا فيها ويعظموها فوق الكل، يتباهوا ويفتخروا بيها، ويكتبوا في سبيلها كل الخير .. الناس اللي بتدفع من جيوبها وفلوسها الشخصية مصاريف النت كذا مره في الشهر عشان ينشروا إنجازات دولتهم وصور مشروعات وحركة مؤسسات ويتباهوا ويحتموا بجيشهم.. الناس اللي بتعتز وبتحب رئيسها وبتعبر عن حبها ده في العلن من غير تردد ولا خوف من أي هجوم لأهل الشر ..
الناس دي لا بتتمول ولا بتتوجه ولا حد بيحطلها اسكريبت تقول ايه ولا وماتقولش ايه، ولا حد فاتحلها استديوهات وموفرلها أجهزة ومعدات ونت .. الناس اللي مش متجهزلها جنسيات تانيه ولا ليهم أرض تانيه تأويهم غير الأرض دي ومكتفين بيها جداً.. الناس اللي بتدعم بلدها بفطرتها السليمة من غير أي مقابل وأغلبهم ناس عادية وبسيطة زي حلاتي لا رجال اعمال ولا أصحاب مصالح .
ولو بيسمونا لجان إلكترونيه عشان بنعمل ده كله، ف ده شرف عظيم لينا جميعاً فرداً فرداً .. ولو بيقولوا علينا منساقين فشرف لينا جميعاً إننا منساقين خلف ضية وطنية شريفة لا ليها أطماع توسعيه فاسدة، ولا بتقتل ولا بتخرب، بتبني نفسها وبس، وبتندم أي حد يفكر يأذيها ..
شكراً للجميع .. أنتم أبطال تُقدموا دون مقابل، وهذا هو عين العطاء والإخلاص . #حفظ_الله_مصر
