منين نجيب الفرح
؟؟؟
كتبت الشاعرة والكاتبة سهام ماجد
غـصــب عنى … نـزلت مـن عـينى دمعــة
قلت للأحزان روحى عملت لى مش سامعـه
صرخت بأعلى ماعندى لكن ماطلع لى صوت
م الدنيـا همشـى خلاص وليكم مش راجــعه
الظلم زاد ليه يابشر وع القسوة متفقين
و مركـزين كل النظـر على الناس الطيبين
مال قلوبكم ملاها الحقد والغيرة ..فوقوا
قبل ما تنولوا نصيبكم فى أعز الغاليين
طلبوا منى للدمــع والأحزان أنا أبيع
وأشــترى بتمنهم فـرح يملا الينابيـع
رحـت للبيـاع لجـــل أشــتــرى منــه
قالى خدوه أهل الفرح أصله مش للبيع
ومنين نجــيب الفرح والدمع جارحنا
قالولى داووا الجراح زادت مجارحنا
انا قلت صبرى نفد ع الظلم مش قادر
م الحزن قلبى انفطر تاهت ملامحنا
مرتبط
