وأرجع وألوم نفسي وقلبي إللي دايماً خايف عشان كان أعمي وما كنش شايف إللي بتخاف عليه وإللي بتحس بيه وعليها أجمل شفايف وأساله وأقله ياقلبي مين إللي دايماً معاك ولما بتبعد عنها بتلاقيها جواك جاوبني وقالي أنا مش عارف
مش عارف ياقلبي إللي ذرعت جواك الحنين وكلمه واحده منها بتهون شقا السنين مصمم تبعد عنها طيب قولي لحد فين
مش عارف إيه ولا إيه ولا إيه مش هي دي إللي قالت بحبه وها أموت عليه ولو العالم كله واقف قصادي مش هكمل حياتي إلا بيه ولو الدنيا كلها ضدده أنا معاه ومش هكون إلا ليه ف أول محنه تقابلنا نتخلي عنها قولي ياقلبي ليه مش هي دي إل رسمتلنا الطريق وضحت علشانا بكل شئ وكانت لينا ف وقت من الأوقات القشايه إل إتعلق بيها الغريق
فاكر لما كنت بضيع وبتقسم وناس كتير بتضحك علي وجعي وتبتسم ولقيتها جايه وضحكه علي وشها بتترسم وبتقولي ولا يهمك أي حاجه أنا معاك وإل راح هتعوضوا إنساه خلاص ومتفكرش فيه ها أقولك إيه يا قلبي تاني هقولك إيه مش هي دي صاحبة أجمل عيون إل كانت شايلاك بين الجفون البنت الجدعه إللي لا يمكن تخون إزاي قدرت تتخلي عنها وإزاي بسهوله كده عليك تهون
سألوها عنك هو إنت, بتعشقيه كان ردها داه هو الحياه والدنيا دي داه هو الهوا إللي بتنفسه وبعيش عليه ها أقولك إيه ياقلبي تاني ها أقولك إيه
لسه بردوا مش عارفها لسه مش قادر تشوفها سبتها وهي ف أصعب ظروفها وقلبها نار قايده فيه ورده دبلانه ف شبابها ف عز ألمها وعذابها نسيت كل تعبها وبتسأل عليك هو دلوقتي عامل إيه ها أقولك إيه ياقلبي تاني ها أقولك إيه
