ابوك السقا ،، مات م اللف علي الحارات و احنا اللي شربنا منه من صغره لكُبر سنه سيبنا المسقي و جرينا لفينا علي البارات ابوك السقا ، كان في زمان ماعرفش ايه زرع و خضار،، و مية و الخير بنجني فيه و طريقنا كان سوارس سكة لحصان و فارس كتبوها في المدارس و تاريخ وقع عليه ابوك السقا كان عمره ما طلع فاتورة بيلف ،،، ديدبان يملا الزير و الفاخورة و مهارته كات في،، قِربة علي ضهره بيروي صُحبه كان عاشق للمحبه شايفين فيه الامان ابوك السقا كان عارف كل الجيران بينادي بالاسامي و يخبط ع البيان يروي كل العطاشة مَية أحلا من البُغاشة و يصيبك بإنتعاشة بين مصري و تركمان ابوك السقا ،، مات بس التاريخ ما ماتش ما تقولش زمن و فات او حتي كلامي ،، نتش لو صادف يوم ،، تعيده علمه ،،لابنك ،، و فيده و ان سألك تاني زيده حفظه في الذكريات أبوك ،، السقا ،، مات ،،!!!
