خواطر وأشعار
اه يادنيا —- كلمات الشاعر احمد جابر سويلم
—- اه يادنيا —- كلمات الشاعر احمد جابر سويلم
فيه ناس تشوف الدنيا بعنيها –
وناس ماتعرف معانيها —
وناس الكيف بيعميها –
وانا ما شى فى غيبوبه
وحاس ان الدنيا مقلوبه
مشيت فى الدنيا وحدانى
مابين جرحى واحزانى
وان قلت اه يازمن
الاقى دموعى سبقانى
اشكى لمين يازمن
ومين يرحم بقى حالى
لاليا صاحب عنى سئل
ولا صاحب يقول مالى-
—اه يادنيا اه—-
اه يادنيا اه انا تهت منى
انا مش شايفنى
انا مش عريفنى
انا مين يادنيا
انا ضعت منى
انسان وتايه فى الزمن
انا حتى جرحى ملوش تمن
اه يادنيا اه انا تهت منى
انا كنت عايش
انا حلم طايش
انا ليل مشافش
انا ضحكه تاهت
انا دمعة طلت
انا مين يادنيا
مابقتش عارف
ولاعنت شايف
منك يادنيا
غير المخاوف
وان جانى حلمى
القاه خصمنى
اه يادنيا اه انا تهت منى
