وعد العيسوي: إحذر عواقب الاتكالية في دعم الذات.
كتابة : وعد العيسوي
يعني متقعدش حاطط ايدك علي خدك وتقول مستني حد يشجعني.
الصح والطبيعي ان اي شخص فينا عشان يبدأ خطوة مهمة او مشروع جديد فحياته بيبقي محتاج دعم وتشجيع.
لكن اللي مش طبيعي ومش صح، ان الانسان ميعرفش يبدأ اي مشروع بدون دعم من اللي حواليه.
انا عارفه انه مهم جدددا في حياتنا كلنا،
بس في حاجة اهم بكتير،، وكلنا بنتغافل عنها،
وهي اننا قبل ما بنحتاج للدعم ده من اي شخص حوالينا، بنكون محتاجين دعم من نفسنا،،
فاللي عايزاكم تعرفوه ان الدعم ده بحر واسع
في دعم رباني ” ربنا بيحطلك اشارات تشجعك”،
وفي دعم ذاتي ” تشجع نفسك وتثق فيها”،
وفي دعم اجتماعي ” ده اللي احنا بنحتاجه من الناس “،
وانت او انا او اي حد مننا في وجود دعم رباني ودعم ذاتي
بنقدر نستغني عن الدعم الاجتماعي ده،
بقولكم كل ده عشان تتاكدوا ان
الدعم مش بس دعم من الاشخاص اللي حواليك ،،، انت المفروض تدعم نفسك وتطلبه من ربنا، ومتستنهوش من حد،
انت مش رهن اشارة منهم، انت قادر تنجح لوحدك، ثق في ربنا وقدرته علي تولي امرك، وثق قي قدرات نفسك،،
ومتستناش تشجيع من اي شخص،،
ادعم نفسك واتكل علي الله،
وحتي لو مجحتش، هتبقي حاولت، ونص النجاح فالمحاولة.
خد خطوتك،
انت لوحدك تقدر،
انت الحُكم والحَكم.
