أنا إبنك ياأبا
كلمات/أيمن البكرى
أنا إبنك ياأبا متسبنيش
فى الوهم والخوف أعيش
تعبت من كتر الإحزان
ألم ودموع وحرمان
بقيت من كل حاجه بخاف
وفى نظر الناس شفاف
نفسى أصرخ بأعلى صوت
وأقول ياناس أنا إنسان
بخاف دلوقتى من الفرحه
دايماً نهايتها كابوس
كل ما إتمنى شئ
وأمشى عشانوا ألف طريق
أرجع ف الإخر ندمان
بقول ياريت إل جرى ما كان
ياريتنى كنت محلمتوش
ياما يا أبا كنت مستنى
حضن منك يطمنى
ف عز الجرح والقسوه
كنت بعيد عنى
سبت الدنيا تكسرنى
وناس غريبه بتهينى
وكل حاجه حواليا
بقت دلوقتى بتقتلنى
بخاف دلوقتى من الإيام
مابقتش حاسس ب أى أمان
عايش بس عايش والسلام
وعلشان عشتها طيب قوى
ناس كتير شافونى جبان
ناس كتير فرحت
وب أعلى صوت ضحكت
وأنا على نار بستوى
