نساء من ذهب
تستحق تكون تريند وتعلم كل البشر معنى البطولة والشهامه والإقدام
دي رقيب قوات مسلحة اماني محمد ..
البطلة اللي في الصورة دي اسمها اماني محمد من منيا القمح بمحافظة الشرقية.
اثناء تواجدها بالشارع لقت تجمع لناس كتير سالت في ايه قالولها:
عربية وقعت في المية وجواها سيدتين و ٤ أطفال فهرعت بسرعه بحثت عن حديدة ونطت في المياة في اقل من دقيقه وسط استغراب من كل الموجودين. بل وواجهت تنمر من بعض الموجودين كونها سيدة وبتعمل كده.
وصلت لحد العربية وكسرت الزجاج الخارجي للعربية وبدأت تسحب الناس لبرا العربية
وبدات فورا باستخراجهم على البر وبدأت بالإسعافات الأولية ليهم نظرا لخبرتها بمجال التمريض
ونظرا لتعرض الاطفال لضيق في التنفس بسبب استنشاق كميات كبيره من المياة.
وهرعت بيهم الى المستشفى لاستكمال الاسعافات.
وقدرت بفضل الله ان تنقذ جميع من كانوا بداخل السيارة .
البطلة رقيب أماني محمد تعمل بمجال التمريض بالقوات المسلحة.
الشهامة ليست حكرا على الرجال. ياما في نماذج لسيدات شجعان كتير بس مبنسمعش عنهم على الميديا الا كل فين وفين.
هذه السيدة فخر لكل النساء وللمجتمع المصري ككل وتستحق أن تكرم وأن ترفع فوق الرؤوس.
بقلم مجدي احمد
