هل كل أب يستحق البر
كتبت / ماجدة حسن الصباغ
ده سؤال اتسألتة هل كل أب يستحق البر؟
الأب الجاحد الذي يجري ورا شهواته في الشباب والكبر كيف سيحبه اولاده؟
اي الذكريات سيتذكروها له ؟
ظلمه وجحوده وأنانيته والسند الذي لم يجدوه .
المواقف الصعبة التي لم يظهر له دور فيها . كونه لم يكن قدوة في يوم من الأيام ولا مثل أعلي يحتذي به.
الاب القاسي مش سند ، الاب ال يقعد ويحط رجل على رجل ومش عاوز يصرف على ولاده ويستخسر فيهم صحته وعافيته وفلوسه ويتصنع الفقر مش أب ، الاب ال ميعرفش ولاده محتاجين آيه ميستحقكش يكون اب ..
زي مافي عقوق أبناء في برضه عقوق اباء
بمعني الاب القاسي عاق
الاب اللي عدم وجوده احسن من وجوده عاق
الاب الغبي عاق
الاب المستفز عاق
الاب ال بخيل بمشاعره عاق
الاب الظالم عاق
الاب ال ولاده محتاجينه ومفرقش معاه عاق
الاب الجاحد عاق
الاب سليط اللسان عاق
الاب اللي زرع قسوة وكره وظلم وافتري اكيد هتحصد اللي زرعته 👌
مش عشان انت اب يحق لك ظلم ابناءك انتبه ايها الأب العاق إذا دعتك قدرتك علي ظلم اولادك تذكر قدرة الله عليك ربك يمهل ولا يهمل.
مش قد المسؤليه خليك قاعد بلاش تتعب وتبهدل ولادك وولاد الناس
الاب ال يحرم عياله من الفرحه ويستخسر فيهم الحنيه والحضن والكلمه الطيبه ال تفرحهم ويبقى عايش ده كسرة ضهر مش سند ، الاب ال يترك اطفاله يربيهم غيره و بعدين ويطالبهم هو في شيخوخته يعتنوا بيه ! ال ربي و كبر و استني ع باب المدرسة و جري بيهم ع الدكتور و حضنهم لما بكوا و تعب و سهر الليالي و قفل عليهم باب البيت من جوه بالليل و هو نايم جنبهم حارسهم هو الاب مش ال دفع مجرد فلوس او حتي ما دفعش أو بيرمي ملاليم ماتكفيهومش .. انت اخترت مصيرك و حددت موقفهم و مشاعرهم نحوك فلا تصرخ و لا تبكي و لا تشتكي انت علمتهم يستغنوا عنك منذ طفولتهم و ان يعيشوا بدونك و يحاربوا الحياة لوحدهم و يمسحوك من حياتهم .. ده اختيارك انت 👌
واكتفي واستعين واختم مقالاتي بحديث صحيح حديث عبد الله بن عمرو بن العاص-رضي الله عنهما- قال: قال رسول الله ﷺ:( كفى بالمرء إثماً أن يضيّع من يَقُوت)صدق رسول الله صلى الله عليه وسلم
