مشاهد حياتنا بتحيي اللي مات في مشهد قديم مكرر علينا في كل الاماكن رفعوا راياتهم تهفهف علينا بريحه اللي ماتو في قلب السويس و بحر البقر و صبره وشتيلا و غزه وسينا من نهر نيلنا لحد الفرات نسينا اللي خانهم ضحكنا معاه ولين عقولنا بكلمه شالوم فيه منا اللي طبع وباس الايادي ومنا اللي مستني دوره يبوس باعوا القضيه في سوق النخاسه بحبه دراهم تعبي الكروش وختم الصهاينه بنجمه داود فرحوا بوسامهم كأنه نيشان في أرض المعارك يا عار العروبه اللي لطخ دماغكم و خدكم في ديله ليوم الحساب طبع الخيانه في نطفة جدودهم لحد أما عيشنا ضيوف جوه بيتنا وواجب الضيافة طلق الرصاص يا اما نغمض وندفن دماغنا زي النعام و اللي يفتح يلقى المشانق في عيد الضحية كأنه خروف لكنه هيلقي بدال بنت حوا حورية بتاخده لقصره الجديد عشانك يا غاليه يهون كل شيء و لو خيرونا نفارق عنيكي تبقى النهايا ومهما يحاولوا يغموا عيونا ربي بيقطع و يوصل ف ثانية هو اللي قادر يسخر جنوده جهنم بتفتح بيبانها و تطلب ( هل من مزيد ) بقلمي محمود السنوسي
