بمنتهى البساطة من ضمن المؤامرة على مصر والجحود بنعم الله لما تكون لسه قايم من على الأكل أى كان نوعه وكمه وتقول إحنا مش لاقيين ناكل يبقى هو ده نموذج للجحود بنعم ربنا وكلامه ده ممكن يخليه يبقى فى وضع مادى صعب جدا علشان يتعلم يصون النعمة ويحمد ربه عليها .
ياجماعة إحنا بفضل الله بخير وبيوتنا فيها أكل صحيح فى أزمة وضغوط لكن الخير كل الخير فى بيوتنا المستورة حتى فى المناطق البسيطة لو فى حد مش لاقى ياكل فعلا مش هيبقى قاعد على النت وإلا يبقى سفيه علشان تلاجته فاضية وبيشحن باقة النت وبيشرب خراطيش سجائر بدل ما ياكل ويأكل أهل بيته فمتصدقش أى حد ممكن فى الآخر يطلع أكونت فيك وصاحبه عميل ومأجور ومش فى مصر أساسا فى النهاية السوشيال ميديا مش مصدر معلومات ولا ثقة . مع خالص تحياتى سحر عدلى
