ما وراء الأحداث الجزء السابع وجولة سريعة في أخبار كوكبنا العجيب…. (( هااااااااااااااام جداااا… لكي يستريح قلبك )) 👇👇👇 📌 المكسيك…. الدنيا مقلوبة هناك ف المكسيك والشرطة هناك رفعت حالة الطوارئ القصوى….!! ليه جدعان…. هي الحرب قامت فالمكسيك واحنا منعرفش؟ قالك لاء دا علشان مكافحة عصابات إبتزاز شركات البيض أيوا يعني الناس في المكسيك كونوا عصابات بتبتز الفراخ اللي بتبيض ولا إيه…!! ياخونا حد يطمنا على الفراخ … دول برضوا مهما كانوا ولايا وملهومش ديك دا إحنا هنا في مصر البيضة بقت ب٦جنيه وطالع عينا يعني قالك لا القصة مش كدا خالص… القصة إن الشرطة المكسيكية رصدت عصابة مكونة من الست نانسي وجوزها كليمنتي ومعاهم ١٠ افراد بيخطفوا أصحاب شركات البيض والدواجن ف المكسيك وبيبتزوهم بيطلبوا فدية منهم طب الموضوع ده خسرهم كتير يعني ولا بيدفعوا الفدية بيض ف الآخر ..!!! قالك حسب البيانات الرسمية شركات البيض والدواجن خسرت ٣٧.٢ مليون جنية إسترليني لحد دلوقتي…… يا دين النبي!! طب هل الشرطة المكسيكية إتحركت ..!! اه ياسيدي وعملت كمين لنانسي وجوزها وهما بيتجوزوا في الكنيسة .. ااه حضرتك ما هما يخطفوا ااه…. يبتزوا اااه لكن يمشوا ف الحرام حد الله…😉 المهم يعني الشرطة كبست عليهم وهما بيتجوزو والست نانسي طالة بالفستان الابيض ولسه هترقع بالزغروطة الشرطة طبت عليهم…. بس العريس كلمينتي طلع ندل في الآخر وهرب من الشرطة وخلع ونانسي هي اللي إتقبض عليها بالفستان كم أنت عظيم يا كليمنتي….. ابن العفريتة قدر يخلع من الجوازة وسلمها تسليم أهالي 😄
وع الناحية التانية من الكوكب…. 📌 الهند… في الهند بقا من أكبر رجال الأعمال هناك اسمه سنجاي شاه …. حاجة كدا زي نجيب ساويرس عندنا يعني سنجاي شاه حب يحتفل بمرور ٢٥ سنة على تأسيس شركتة…. اللي هي بقت من اكبر الشركات ف الهند…. طب يحتفل إزااااي بقي…؟؟ واحد هندي …. هيحتفل إزاي ياجدع !! عمل إحتفال كبير ومسرح ضخم…. وجمع فيه كل الموظفين اللي عنده في الشركة حوالي عشر تلاف موظف وعمل فيها نمبر وان وجاب قفص حديد كبير وركب فيه هو والنايب بتاعه ورفعه بالحبال لفوووق ييجي ١٠٠ متر وقعد يخطب في الموظفين بتوعه وف لحظة كدا الحبال إتقطعت والقفص وقع والراجل مات ومحطش منطق في لحظتها قدام كل موظفينه مش بقولكم هندي 😅
وع الناحية التانية من الكوكب… 📌 كوريا الشمالية…. المعلم كيم شاف امريكا واليابان وكوريا الجنوبية الإسبوع اللي فات بيعملوا مناورات جمبه وتقريبا كدا قلقوا منامه… الراجل طلع وقالهم أبوكوا لأبو اللي جابكم وراح يوم الجمعة مطلعلهم احدث سلاح في ترسانته النووية إسمه هايل …. وبيسوي الهوايل قال إيه بيجربة طب السلاح ده بيعمل إيه يا عم كيم … معلش إحنا بنتكلم قالك السلاح ده محصلش في تاريخ الكوكب … بينضرب تحت المية وبيسبب موجات تسونامي…!! ايه…. بيسبب تسونامي !!! يعني التسونامي اللي حصل في اليابان وبلع ٣ مدن واتنين مفاعل نووي كان بفعل فاعل ياعم….!! قالك …. شوف انت بقا لو حد فكر يدوسلي على طرف هعمل فيه إيه !!
وع الناحية التانية من الكوكب…. 📌 إنجلترا… إنجلترا تسكت على اللي بيحصل في الكوكب ابدا….!! راحت هي كمان مطلعة سلاح جديد تجربه إسمه دراجون فاير السلاح ده عبارة عن ليزر بيتوجه لأي هدف وبيدمره فورا قالك بقا السلاح ده حيبقا أقوى من الصواريخ واكثر فاعلية واكثر تدميرا ياخونا حد يستعجل النيزك والنبي طب حد يشوفلنا البشمهندس يأجوج ومأجوج إتأخروا ليه ….!!
وع الناحية التانية من الكوكب… 📌 تركيا… فاكرين رجب طيب أردوغان لما طلع وحلف بالطلاق بالتلاتة من مراته انه عمره ما هيوافق على إنضمام السويد لحلف الناتو علشان حرقوا المصحف الشريف..؟؟ طب فاكرين الإخوان قعدوا يهللوه قد ايه انه خليفة المسلمين وناصر المظلومين !!! اهو امبارح وافق هو والبرلمان التركي بتاعه على إنضمام السويد لحلف النيتو طب ياعم اردوغان والمصحف اللي اتحرق..؟؟ قالك ما المسامح كريم طب ياعم اردوغان والطلاق اللي حلفته..!! قالك حبقا اطلع كفارة عنه واصوم تلات ايام طب يا عم اردوغان خد بالك بقا علشان بوتين هينفخك احب اوضح معلومة بس للناس اللي متعرفش…!! مينفعش اي دولة تنضم لحلف النيتو غير لما تاخد موافقة من كل دول الحلف وكانت تركيا هي الدولة الوحيدة اللي موافقتش على انضمام السويد بحجة حرق المصحف وسلملي على المهابيل والكورديات
وع الناحية التانية من الكوكب…. 📌 إيران…. صحينا الصبح لقينا الجيش الباكستاني بيضرب حدود ايران منغير إحم ولا دستور…!! قال ايه بيضرب الجيش البولشستاني المعارض ليه على الحدود طب يا جيش باكستان انت لسه فاكر ان في جيش معارض ليك دلوقتي على الحدود مع ايران؟؟ لا حضرتك … بس لازم تعرف ان الجيش الباكستاني موالي تماما لأمريكا ف امريكا بتوصل رسالة لإيران بعلم الوصول… هتعملي قلق في البحر الأحمر …!! هعملك قلق على حدودك مع باكستان مش كدا وبس حضرتك لا دي كمان بتصطاد كل قيادات الحرس الثوري في سوريا ولبنان والعراق بطيارات مسيرة آخرهم كان أكرم العجوري قائد الحرس الثوري في سوريا اللي طربقت عليه الفيلا كلها هو وكل الوفد اللي كان معاه بطيارة مسيرة بالبلدي كدا بتقلم أظافر إيران ف المنطقة وبتعلم عليها
وع الناحية التانية من الكوكب… 📌 إسرا👽…. الدنيا مقلوبة ف إسرا👽 وتحقيقات ضخمة ف الجيش…!! حد هيسألني ليه بقي؟ دا ولاد الحرام مخلوش حاجة لأولاد الحرام التانيين يعني هقولكم معلش بس المرة دي إتعلم عليهم جامد اوي …. ولمؤاخذة الجيش الذي لايقهر…. إتقهر إمبارح علشان بعت مجموعة من قواتة المهندسين علشان يلغموا منطقة ويعملوا حاجز بالألغام ويحموا نفسهم… ف المهندسين دول عملوا حاجز من الألغام علشان يحميهم وحاجة جامدةيعني… جت مجموعة مقاتلة من الجيش المهزق عددهم ٢٢ واحد من قوات النخبة ودخلوا المنطقة الملغمة دي والمفروض انهم عارفين خريطة زرع الألغام دي … ف هوووب يعني هما شبح في نفسهم هما دخلوا المنطقة من هنا يا معلم والألغام كلها ضربت من هنا وقطعتهم حتت من هنا ودي أكبر خسارة للجيش المهزق في يوم واحد و من ساعتها يا ولداه مش عارفين مين اللي عمل فيهم العملة السودة دي بيقولك في اشباح دخلت فرمتهم وخرجت…!! مين بقا يا شطار اللي قالبه جاحد وحب يعلم عليهم !!؟؟😉
