خواطر وأشعار
رسالة من مواطني مصري بمحافظة البحر الأحمر الدكتور رمضان الشيخى
رسالة من مواطني مصري بمحافظة البحر الأحمر الدكتور رمضان الشيخى
كنب/أيمن بحر
كلام واضح وأكيد وصريح
الوضع يخوف ومش مريح
أصبح بالفعل خطير وقبيح
ولازم ترجع تاني التصاريح
…
كل يوم نصبح على جريمه
روح الإنسان مالهاش قيمه
بيندبح وينقتل كإنه بهيمه
ودمه الطاهر عمال يسيح
…
الغردقه لمّـت أشكال زباله
إجرام في الدهار والسقاله
سرقه في ليل ونهار شغاله
شباب متسول زي الكسيح
…
البيوت مابقاش فيها رقابه
حياتنا بقت عامله زي غابه
صدور بقت بخبث متصابه
ونفوس صارت بعفن تفيح
…
ناس بإجرامها شغاله تجهر
الغردقه ضروري منهم تطهر
لاجل صورتها الحلوه تظهر
ومن أشكال الزباله تستريح
…
بلطجه في كل حاره وشارع
وشباب في الهيافه بس بارع
الجميع لازم يتكاتف ويسارع
الأمن بكل مجرم لازم يطيح
…
علشان يرجعلنا تاني الأمان
وتعـود الغردقه لأيام زمان
التصاريح فيها كل الضمان
بدونها حتروح مهب الريح
