الحزن ..2

 الحزن ..2

الحزن ياخوانا عمره ما كان حل عشان ينسينا همومنا

او يرضينا ويفرح قلوبنا دا كل شئ نصيب وربنا كاتبهونا

ولابد ف يوم يواجهنا إن ماكنش النهارده يبقى بكره وأكيد لازم يلفت نظرنا

احنا خلاص من الدنيا شبعنا وعارفين نهاية اعمارنا

يبقى ليه الحزن معشش بين احضانا ونفضل نبكى ع اللي راح من أيامنا

برضوا هانرجع للي خلقنا زي ما ف يوم اتوالدنا وعشنا ف الدنيا مشوارنا

حتى مهما طلعنا ولا نزلنا برضوا هانلاقي حزن ف انتظارنا

وناس واقفه دايما ف طريقنا تزلنا وتكسرنا وتحاسسنا بعجزنا وفشالنا

يعني المسألة واضحة إذا اخ أو صاحب أو حبيب كان ف يوم يعشقنا

يبقى نحمد ربنا ونفضل الصمت ومافيش داعي نتعب أعصابنا
ونفضل نبكى بدموعنا

لينا رب اسمه الكريم قادر ف يوم ينصرنا ويهون علينا دموعنا وأحزانا

بس ندعي من قلوبنا ان ربنا يوفقنا ويخلي النجاح دايما محالفنا وتكون راضي عنا

دي دنيا مش جنه عشان نعيش أحلام وأوهام حتى لو حقيقه قدامنا

احنا ف زمن القوه والصراع ع السلطه والفلوس اللي أصبحت كل حياتنا

يبقى ليه نزعل وعارفين نهاية مشوارنا حتى لو ف بيت واحد اتجمعنا

هاتفضل المشاكل والظروف واقفه دايما ع بابنا وشاغله تفكرنا

ومافيش جديد عشان نبكي وناخد ع خاطرنا والعقل يتوه ونفقد صحتنا

ف ايدنا نفرح ونسعد نفسنا بس نرضى وناخد كل شئ ببساطه من غير ما نتعب أنفسنا

ونشوف الصح والشئ اللي ينفعنا ويبعد الحزن من سكتنا ونفتح باب للسعاده اللي تناسبنا

حتى لو اتظلمنا من غيرنا الكلمه الطيبه تكسر حاجز الشر اللي تاعبنا

وكل شئ براحه وبهدوء حتى لو عن بعض افترقنا وعشنا ف عزله لازم نرضى ونحافظ ع سمعتنا وشرفنا

شاعر العصر صاحب كلمه لها مضمون ومعنى يفيدنا وينفعنا بقصيده جميله تنال اعجابنا

وتحسن دايما من أخلاقنا وتذكرنا باللي خلقنا وداوي همومنا وأوجعنا ويرسم الفرحه داخل قلوبنا……

مع فارس الكلمه/ الشاعر طاهر مختار عتيت

شاعر العصر….تحيا مصر

طنطا….كفر الزيات…..اكوه الحصه