نسل الاغراب ..

كتبت سهير يوسف

من زمان نزل راجل كبيرمن الجبل طلب من اهل القرية انه يعيش معاهم ، بس رفضوا اهل القرية الراجل دة .. تفتكروا بقي الراجل هيعمل اية ؟

يقوم الراجل بابادة القرية كامله .. قتل الراجل دة اهل القرية و استطون فيها اتجوز و خلف 4 رجالة ..

الاربع رجاله دول الاخ اول خلف ” أحمد السقا -عساف ”

الاخ الثاني خلف ” امير كرارة – غفران ”

الاخ الثالث خلف ” مي عمر- جليله ، دياب ، ادوارد ”

الاخ الرابع خلف ” احمد عبد الله ”

بيحصل مشاكل بين ولاد العم و لانهم نبته غير صالحة اصلا و قائمة علي موت القرية القديمة و الظلم و الجشع بيتخانقوا مع بعض من 20 سنة..

و بيقتل عساف الغريب ” احمد السقا ” نسل كل ولاد عمه غفران الغريب ” امير كرارة ” بيقتل اخواته و اهله و كل ما يملك مش بيسيب غير امه ..

يقوم اخونا امير كرارة منتقم منه و قاتل كل اهل احمد السقا و بيدخلوا هما الاتنين السجن و لكن امير كرارة بيتحايل علي القانون و مش بيدخل السجن و بيتسجن احمد السقا 20 سنة ..

في الوقت دة امير كرارة بيطلق مي عمر ” جليلة و مرات احمد السقا ” و بنت عمهم الثالث في نفس الوقت من احمد السقا ..

لان مي عمرو متجوزة من احمد السقا و مخلفة منه حمزة ” احمد مالك ” و فعلا بيطلقها من احمد السقا و بيتجوزها هو و بينسب ابنها حمزة ” احمد مالك له ” مش بس كدة كمان بيخلف منها ” سليم – احمد داش ”

يعني كدة مي عمر عندها عيل من احمد السقا و عيل من امير كرارة و متفهمش ازاي مي عمر ممكن تبقي ام احمد مالك و احمد داش اساسا و نجلاء بدر تبقي دور تاني مع ان هي الانسب لحاجة ذي كدة او هند صبري او شخصية قوية عامه تبقي كمان ام لراجلين .. بس هنتفرج

المهم بعد سنين احمد السقا جوة السجن بيعرف اية الي حصل لمراته و ابنه فبيتفق و يخطف ام امير كرارة ” غالبا فردوس عبد الحميد ”

و بتبدأ احداث اول حلقة من خروج احمد السقا من السجن ..

و بجد مش عارفة من غيري كنتم هتعملوا اية و انا برتبلكم قصص مسلسلاتكم كدة ..

ابطال العمل : احمد السقا ، امير كرارة ، مي عمر ، احمد مالك ، احمد داش ، دياب ، ادوارد ، فردوس عبد الحميد ، نجلاء بدر

انتاج سينرجي ،

تأليف و اخراج : محمد سامي

و طبعا من اجمد الحاجات غناء تامر حسني للتتر

قنوات العرض : On E و On Drama و Mbc مصر