خواطر وأشعار
وتملي بقولك يا حبيبي
وتملي بقولك يا حبيبي
كلمات الشاعر محمد عبد العزيز رمضان
وتملي بقولك يا حبيبي
أنا ليك مشتاق
وبعادك عني بيتعبني
بكفاية فراق
إن أبقى معاك
بس أنت رمتني وخلتني
ابعد وأنساك
وأوعاك تفتكر إن أنا لعبة
أو هنسى جفاك
أنا نجمة وأوعاك تلمسها
أنا مش عوزاك
أنا قصة وكانت نهايتها
في بعادي دواك
وكلامك عمري ما صدقته
وعملي ملاك
خاين وخيانتك معروفة
أخرتها هلاك
وطريقك مش هو طريقي
مليان أشواك
وبحور وشباك
وإن كنت فكرني أسير حبك
أنا مش بهواك
وتملي بقولك يا حبيبي
للصبر حدود
ضحيت علشانك بحياتي
وفرشت ورود
وبكل عهود
أنا فجأة لقيتك بتقلي
أنا مش موجود
ونجوم الليل ودموع قلبي
ويايا شهود
وطريق مسدود
لا هقولك أوعاك تنساني
أومرة تعود
أصل أنت رمتني بأحزاني
وملكشي وجود
ومكانك مش هو مكاني
ولا عمرك ضحيت علشاني
وهدمت سدود