روباعيات
-روباعيات
——- كلمات الشاعر احمد جابر سويلم
يامزوقه نفسك على الفاضى
من بره فيكى الجمال وجواكى ليه فاضى
بتعكسى ليه فى الجدع وهو مش فاضى
يابنت عيب اختشى وبلاش كلام فاضى
ءءءءءءءءءءءءءءءءءءءءءءءءءءءءءءء
حبيب وماشى فى البنات بيغازل
شاف بنت ماشيه راح عليها يترازل
قال ياقمر عنك مش راح انا اتنازل
وفى لحظه لاقى القلم عالخد كان نازل
ءءءءءءءءءءءءءءءءءءءءءءءءءءءءءءءءءءءءء
فنانه ودخلت الفن بالعافيه
علشان جميله وعودها فرع وافر
مسكت خيطان الفن ورايحه بتعافر
قطعت خيطان الفن لحقوها بالعافيه
======================
استاذ رشاوى كفياك من الرشوه
عامل شريف وتوبك عليك حشمة
مالك حرام اما الحلال ملكش فيه قسمه
هتعيش على الرشوه وتموت من الحصره
===================
يابنت الحب مش كلمة ولاغينوه فى صوت عالمة
ولاهدمه ولا ريحة ولا واقفة فى تسريحة
ولاهمسه ولاضحكة ولارواية ولاحكايه
يابنت الحب احساسه فى قلب يدق له ناسه
=======================
شحات وكل يوم داخله فى الزايد
لابس مقطع والمرض عليه باين
ضحك عليه نصاب وغراه بامواله
صبح الشحات يندب على حاله
==================
ماشى على الشط وعنيك شمال ويمن
استاذ فى الفلسفه وكمان اصول الدين
لو حد يوم كلمك طيب وعقله رظين
لساك غاوى شعبطة ولا احنا مش عارفين
وووووووووووووووووووووووووووووووو
تقوم البنت من نومها وعنيها جايباها
هتقابل مين ومين هيمشى معاها
روميو الغرام جالها على فين خطاوينا
انا شايفه ان السينما محلى الكلام جواها
ووووووووووووووووووووووووووووووو
البنت كانت طيبه وادبها كان عالى
من بيتها للمدرسه والعكس طوالى
عرسانها كترو والكل بيغالى
شافت مابينهم ولد قالت يارب دا فى بالى
