زمان كان حلمنا
–زمان كان حلمنا
…..شعر احمد جابر سويلم
احمد سعد 9 نوفمبر، 2017 ثقافة وفنون اضف تعليق 31 زيارة
زمان كان حلمنا عالاد
يفوت الولد يضحك
وضحكته عالاد
الميه ماية ربنا
عاملين عليها سد
والحلم خايف يتنسف
خايف كمان ينهد
فيه ناس تحب البلد
وناس ماتعرف حد
وناس بتبنى
وناس كمان بتهد
يصرخ فقير
يتالم يجوع
ممعاهشى حق الرد
علشان مريض
يترمى ينداس
يتحط فوقه ردم
ويعيش يموت
اهو صوته راح
يتخرص ينسد
وتعيشى ياحكومه
يلى كلامك جد
استاذ ضمير فينك
موجود ولا احنا
مش شيفينك
الدنيا عتمه
ولا العتمه دى ليلك
ادراج تملى مفتحه
والجيب كمان زيها
والثوره قامت
وفى لحظه نامت
حتى الجنيه اتنفض
يظهر كمان اترفض
وحتان مليها الجشع
اشكالها فيهم تنخدع
استاذ كمان فى علومه
مش فاضى غير لهمومه
الصبح فى المدرسه
يمضى وعالتلامذه مريسه
والدرس فى البيت
شرحه وفيه هندسه
ومراكذ شبابنا
فى قمة الهلوسه
ومجالس محلياتنا
نايمه كمان فى العسل
والناس زبالتها وهمومها
فى الميه بتنعصر
وان قلت كوب مايه نظيف
متلاقى مالمجلس عليك
غير المريسه
وكهربتنا ومييتنا
واهو كله بيدور عالمريسه
تعيش الحكومه يموت الفقير
نسرطن زراعه
يصبنا المرض
وسوق الغلابه
فى حضن الديابه
وضحكة لئيم
يعيش الديابه
تعيش الحكومه
يموت الفقير
فى لحظة كئابه