كلمتين على الماشي.. زواج القاصرات
كلمتين على الماشي.. زواج القاصرات
بقلم ـ جيهان فخري
تعودت فى زياراتى للقرى ان افتح الحوار مع السيدات والفتيات فى ظروف حياتهم والمشاكل اللى بتقابلهم
وبنتكلم عن احلامهم اه ليهم احلام وعندهم مشاعر بيطلعوها بس لما يحسوا بالامان ومن ضمن المشاكل اللى قابلتنى وكانت محتاجه واقفه زواج القاصرات
لقيت فى قريه واحده عدد مش قليل من البنات متحوزين فى سن غير قانونى والمصيبه بقى اغلبهم اطلقوا وفى منهم الزوج سابها وهرب وكانت حامل وواحده اطلقت ومعاها بنت
وبنات تانى اتحسبت عليهم جوازه نيجى بقى للمصيبه جواز القاصرات بيكون بعقد عرفى اه عرفى يعنى ورقه تبلها وتشرب مايتها ولا ليها حق ولا نسب للطفل اللى جهه من طفله وتبدأ بقى تفهم وتدور على حقها ده لو قدرت لانها مقيده فى قريه بعادات وتقاليد وتفضل كدا زى البيت الوقف اهى مركونه عند ابوها وياريت يسبوها فى حالها لا ازاى تتعاير وتتبهدل بجريمه ابوها اصلا هو السبب فيها وتتقلب الحكايه الجانى يبقى قاضى والمجنى عليه مجرم .
وعجبى نصيحه بقى ومن الاخر هتفرط فى بنتك علشان تخلص من المسؤليه ترجع ليك محمله بقضيه عيل فى بطنها وبدل حملها معاها حمل تانى ومشاكل ومحاكم وهتقعدلك هى وطفلها وكمان وقف حال راجع نفس اولا وفكر فى عواقب حواز طفله قبل ما يفوت الاوان
