كلمتين على الماشي.. المرأة ونظرة المجتمع
![كلمتين على الماشي.. المرأة ونظرة المجتمع](https://aladwaaeg.com/wp-content/uploads/2021/07/received_2979344382346525-621x470.jpeg?v=1627366692)
كلمتين على الماشي.. المرأة ونظرة المجتمع
اتحدث هنا عن نوع معين من المراه وله صله بالزواج
ان تأخرت فى الزواج
اخطب لبنتك ولا تخطب لابنك لازم تسعى لجوازها علشان متقعدش كدا وكأنها قاعده فى بيوتهم وبتاكل اكلهم
اطلقت وده تانى نوع هنتكلم عنه
دى بقى حوار تانى مش هتخلص كلام ولوم وشويه شويه لازم تتجوز اى جوازه والسلام تتستر ضل راجل ولا ضل حيطه وياعينى لو بسيطه ومش عرفه تتعامل مع الظروف بتاخد على دماغها ده غير بقى كلام كتيرررررررر بيتقال عارفينه طبعا
تالت نوع بقى واللى اتحط عليها ومبانش ليها اصحاب
الارمله
وهى لسه فى نارها ويمكن لسه جوزها متكرمش تزيد الاقاويل والتنبأت هتتجوز على طول دى متقعدش ياعينى على العيال هترميهم وسيناريو يتعمل والراجل لسه مدفنش طب قعدت وخاب امالكم وبتربى العيال يعجب لا ازاى هى هتقعد كدا لازم تتجوز وبردوا هتاخد من الحب جانب ونظرت المجتمع موروث بقى ولا عادات مش فارقه
طب ما كل واحد يشوف حياته وظروفه وينشغل بيها ويسيب الناس فى حالها اتجوزت اطلقت اتاخرت فى الجواز حياتها وظروفها هى حره .
لكل انسان ظروف لا يعلمها غير الله اتروكوا الخلق للخالق فهو عالم بحال البشر الابواب مغلقه على حالها فى كتمان وانت تحكموا بالظاهر كفى اوجاع كفى ظلم لا للمورث والعادات التى تقتل الانفس دون دماء .