خواطر وأشعار
ابن حارتنا
—ابن حارتنا
————كلمات الشاعر احمد جابر سويلم
ياماى عريس ياماى
جدع حليوه وشكله وسيم
خلانى فايته معديه
نزل معاكسه وهات تاسيم
وقالى مالك ياعنيه
روح ياشاطر على امك
بدل ما اجيب اللى يلمك
حقك عليا وعلى راسى
اسبتلك ازاى اخلاصى
اقوله ايه يامه قوليلى
يروح لابويا ويخطبنى
حبه ياامى معزبنى
وخايفه يامه لايسبنى
جدع وشاطر وصنايعى
وقرشه من عرقه بيجيبه
مادرشى يامه انى اسيبه
يابت مش هو مرادك
بلاش تسوقى فى عنادك
حباه وعيزاه يخطبنى
وقلبى رايده المرادى
يجى لابوكى ويقابله
يجى كمان هوه واهله
قلبى انشرحلك وندهلك
تعالى بكره انت واهلك
يافرحه طلى وتعالى
حبيبى عدا وندانى
ومن ابوها هخطبها
يارب تمم افرحنا
