خواطر وأشعار
مش واثقه فيا..
كلمات / أيمن البكرى
مش واثقه فيا..
قمر ذى القمر
قالتلى أنا بعشقك
نفسى ياقمر
احس بيها وأصدقك
ليه حبك ذل ومرار
ليه صعبتى عليا الاءختيار
خلتينى تايه مش قادر أخد قرار
ليه كنتى معايا
ف منتهى الاءنانيه
ليه مقدرتيش تثقى فيا
خلتينى أحس إنى ب النسبالك
مجرد حاجه مسليه
ومكانى فى قلبك مجهول
مهما لف الزمان ودار
من أول يوم عرفتك
ما أمنتنيش حتى على صورتك
وكل ما أبعد عنك
وأقول خلاص خسرتك
أول ما افتكرك
وتيجى قدامى سيرتك
الاقينى بجرى عليكى
وأتعلق تانى بيكى
وكأنك بقيتى
ليا وطن ودار
سلمتلك حياتى
على طبق من دهب
مسألتش عن ماضيكى
ولا إيه كل السبب
قبلت الجرح منك
ورضيت ب إل انكتب
حبيتك من كل قلبي
وشيلتك ف نن عنيا
كنت ببعد وبرجع
مبتهونيش عليا
شفت منك حاجات
ف منتهى الغرابه
وكان ديمن سؤالى
إل مالوش إجابه
ليه مش واثقه فيا
