خواطر وأشعار
حلو قوى…..
حلو قوى…..
كلمات/أيمن البكري
الحلوه ماشيه بتدلع
وأنا قلبى قايد نار ومولع
وعليا بتتمنع
وأنا دايب دوب
سلمتك قلبى وعنيا
وراضى بتقلك داه عليا
بس إنتى إرحمينى شويه
داه أنا على أمرى معاكى مغلوب
إدينى يابنت شويه
حب على حنيه
أنا تعبان وشبعت أسيه
ومحتاجلك قوى
مش قادر أدارى
ولا قادر أخبى
تعالى هنا وريحى قلبى
هاتى عينك ف عنيا
وأترمى ف حضنك وأرتوى
أنا كده حلو قوى وتمام
فيكى خلصت كل الكلام
على حبك إنتى هصحى وأنام
لا عتاب ياعمرى ولا حتى ملام
ها أجى اطلب ايدك وهتبقى مدام
أنا مين خلانى أسهر كده
داه أنا قولت كلوا يهون الا داه
تعالى ومتشمتيش فيا العدا
تعالى نحقق الاءحلام
الحلوه ماشيه بتدلع
وأنا قلبى قايد نار ومولع
وعليا بتتمنع
وأنا دايب دوب
سلمتك قلبى وعنيا
وراضى بتقلك داه عليا
بس إنتى إرحمينى شويه
داه أنا على أمرى معاكى مغلوب
