العيب مش ف الزمن…….

العيب مش ف الزمن..

العيب مش ف الزمن ياخوانا العيب اننا اتسرعنا

وفقدنا كل شئ جميل بسبب استهترنا وسوء تصرفنا

مع الرغم ف عقل وشريعه تحكمنا لكن خالقنا ضمايرنا

ودلوقتي بنندم ع سوء اختيارنا وعايشين والجرح معشش بين أحضانا

حتى الفرحه مش شاغله تفكرنا ونفضل نغلط ف الزمن وف الأساس طمعنا

عايزين كل حاجه حلوه الراحه والأمان والسعادة اللي تناسبنا مع الشخص اللي يحبنا ويعشقنا

لكن ازاي وقلوبنا مش صافيه والظروف بتهدد حياتنا ودا اختبار من اللي خلقنا

ونعرف إن مافيش حاجه كامله وكل شئ نصيب وقسمه حتى لو ف حب بيجمعنا

من هنا بدايه الجمله اننا نكون قد المسئوليه وننسى الماضي حتى لو من اعز الناس اتظلمنا

الحب نعمه بس لما ربنا داخل بيوتنا يجمعنا ونفتح باب يناسبنا وبرضوا هايكون باختيارنا

وع حسب نيتنا ربنا بيجمعنا حتى لو ف مسافات مابينا وحواجز تمنعنا

لكن مش نغلط وعايزين كل حاجه بمزاجنا ونرسم خطه لمستقبلنا وتنتهي بفشالنا

وتتشوه سمعتنا بعد ما حبينا وعشقنا واحنا ف بداية حياتنا

ازي ربنا ف بيت واحد يجمعنا واحنا مع الشيطان اتنازلنا

وللاسف لحد النهارده الفكر شاغلنا ونفضل نحكي لولادنا ع سبيل التسليه بعد ربنا ما سترنا

وننتقم من غيرنا بعد ما ضحوا عشان يرسموا البسمه ف عيونا

وعشان الحب اللي كان نظلم غيرنا ولما نقع نبكي بدموعنا ونلعن الزمن اللي ف يوم مع الغريب داخل بيوتنا جمعنا.

دا نصيب وربنا قاسمهونا حتى لو مش ع مزاجنا لازم نرضى ونحمد ربنا ع النعمه اللي ف ايدنا

يارب اهدينا ونور بالايمان قلوبنا وسامحنا إن كنا أخطأنا وهون علينا دموعنا وجراحنا

شاعر العصر صاحب كلمه لها مضمون ومعنى يفيدنا وينفعنا بقصيده جميله تنال اعجابنا

وتحسن دايما من أخلاقنا وتذكرنا باللي خلقنا وداوي همومنا وأوجعنا….

مع فارس الكلمه….. الشاعر طاهر مختار عتيت

شاعر العصر…… تحيا مصر….. الاحساس و بس

طنطا…… كفر الزيات…….اكوه الحصه